Viongozi wa Asia Kusini Mashariki wakiongozwa na mwenyeji wao Rais wa Indonesia Joko Widodo wanakusanyika kwa mkutano wao wa mwisho mwaka huu, huku masuala ya mgawanyiko yakiwepo bila ya dalili ya kupatikana suluhisho.
Mgogoro wa wenyewe kwa wenyewe unaoleta maafa huko Myanmar, mzozo mpya umeibuka katika South China Sea, na upinzani wa muda mrefu wa Marekani na China. Mikutano ya Jumuiya ya Mataifa ya Kusini Mashariki mwa Asia (ASEAN) itafunguliwa Jumanne katika mji mkuu wa Indonesia Jakarta chini ya ulinzi mkali.
Kutokuwepo kwa Rais wa Marekani Joe Biden ambaye kwa kawaida anahudhuria mkutano huo kunaongeza hali ya isiyo ya kawaida ambapo tayari kuna nchi 10 katika umoja huo na mshikamano. Mawaziri wa mambo ya nje wa ASEAN walikusanyika Jumatatu kukamilisha ajenda ya viongozi hao.
Waziri wa mambo ya nje wa Indonesia Retno Marsudi amekiri hali ngumu katika eneo hilo ambalo jumuiya hiyo ilikuwa inakabiliwa nayo na inapaswa kushinda, ikiwa ni pamoja na mgogoro wa Myanmar. Mpango wa Pointi tano uliobuniwa na viongozi mwaka 2021 kusaidia kuirudisha Myanmar katika hali ya kawaida utafanyiwa tathmini, alisema.
Forum