Khan amekuwa kuzuizini tangu Agosti akikabiliwa na kesi kadhaa ambazo anadai zina ushawishi wa kisiasa, ili kumzuia kuwania kwenye uchaguzi huo akiwa kama kiongozi wa chama cha Pakistan Tehreek e-Insaf, PTI. Kiongozi huyo aliyewahi kuwa nyota wa mchezo wa kriketi alikutwa na hatia ya ufisadi mapema mwaka huu, lakini mahakama baadaye ilisitisha kifungo chake cha miaka mitatu, wakati ikisikiliza rufaa iliyowasilishwa dhidi ya kesi hiyo.
Tume ya uchaguzi ya Pakistan, ECP ilimuondoa kwenye orodha ya wagombea kutokana na hukumu hiyo, lakini chama chake cha PTI kiliwasilisha stakabadhi zake za kuomba kugombea, mbele ya tume hiyo wiki iliyopita. Msemaji wa PTI Raoof Hasan ameiambia AFP kwamba tume hiyo kuwakataa wagombea ni njama ya kukizuia chama chao kushiriki kwenye uchaguzi huo utakaofanyika katika muda wa wiki 6 zijazo.
Forum