Hakuna makubaliano mapya ya nyuklia kati ya Marekani na Iran, asema Blinken

Blinken wakati akizungumza mbele ya baraza la Uhusiano wa Kigeni la Umoja wa Mataifa mjini New York, amesema kwamba, “ Hakuna makubaliano yaliojadiliwa, licha ya kuwa tuna nia ya kuendelea kuzingatia njia za kidiplomasia.” “Tunatazama mwenendo wao,” ameongeza Blinken , akiomba Iran kujiepusha na njia zinazoweza kuongeza taharuki kati yake na Marekani pamoja na mataifa ya mashariki ya kati.

Rais wa Marekani Joe Biden alichukua madaraka kwa matumaini ya kurejesha mkataba wa nyuklia wa 2015 na Iran, baada ya kusitishwa na mtangulizi wake Donald Trump. Hata hivyo mazungumzo yaliokuwa yakiongozwa na EU yalivunjika, huku kukizuka maandamano makali nchini humo, hali iliyopelekea Marekani kusita kuingia kwenye mkataba mpya na taifa hilo lenye misimamo mikali ya kidini.